لمآذآ --{~

السلآم عليكم و رحمة الله و بركآته ..~

يآترى ليش هالزمن الكذب فيه عآدة ...

ليش الخيانة صارت معاملة دايمة ...

ليش و ليش و ليش ..!

تساؤلآت كثيرة و تعتقدون مالها حل

بس هاا قسم الحوار و المناقشات

فاخترت موضوع نتناقش فيه ..

×× هل بنآت النآس لعبة واختك مكتوب عليها ممنوع اللمس ××

العنوآن شفته ف كثير من المنتدياآت ..~

وبصدق الموضوع مهم للغاية ، و خاصة في وقتنا هذا ..~

اتشوف ولد عمره 10 سنين ماسك فونه يرمس الحبيبة ..~

عآد لو حبيبته صدق بنسكت شوي لكن كله كذب الاحتمال الصادق يمكن 1% من العلآقآت ..~

ليش تكذبون ليش تحبون دامكم خاينين .. اليوم يرمسج باجر ويا غيرج ..~

ليش هالبطرة الانسان اذا لقى له حد يحبه لازم يحافظ عليه ..~

هب شرات الحينه عافانا الله من هالناس اقصد الذئاااب بشكل خاص ..~

وصدق لي قالوو جراثيم المجتمع هاللوث .~

بس مب شرط انه الولد اللي يخون ، حتى البنت الحين قامت ترمس عشرين واحد ..~

المشكله يوم توصل المساله انهم يتلاقون ف مكان منفردين مع بعض

وين نحن .. نحنا عرب و مسلمين جيف يصير جي ف مجتمعاتنا

لا و البروبلم العودة انه اخرتها يقول ما ابيها

جيف اتزوج وحدة رمستني ؟؟

طيب ليش انته ادعيت انك تحبها دامك ماتبيها

كل شخص و كل انسان يدور و يبحث دوم عن الحب المستمر

اللي ينتهي بزوآج .. ^^

الرد الحقير اللي ايي منه : كيف اتزوج وحدة رمستني اكيد رمست غيري < شوفو العبط





احيانا يعطيها ويعبل على روحه يشتريلها فون واخته يوم تطلب فون يقولها لاه

ليش ترضى على بنات الناس ؟؟؟؟؟

ماتخاف يدور الزمن و يستوي باختك جي ؟؟؟


××



شو رايكم بالموضوع

نبغي نقاش صادق مب ردود بسيطة [مشكورة ع الموضوع المهم و جي ] اللي بيرد جي يوفر

على عمره و لا يرد لان ها قسم منااااقشة ^^

خلونا ياناس نعيش في دنيا سالمة بلا خيانة بلا كذب و بلا ،، وصآخة


دمتم بود

والله صدقج فهل موضوع انزين انتي ترمسين بس منو يسمع

وحرام على اي شخص يدمر حياة ثاني ترى الله ماينسى حد


وحلو واحد يناقش هذا موضوع


مشكورة

×× فيني قهر منك ××

في ناس تااخذ العظة و العبرة من كلام بس ..~

يمكن اللي انا قلته يفيد البعض ..~

ويفيد البنت في انها ما تنفذ كل ما يطلبه الولد ..~

اتمنى انج تناقشين كل نقطة تطرقت لها ف المووضوع ^^

هلا اختي

اول شي اشكرج على الطرح

وبالفعل هاي قضيه مهمه ولازم الواحد يناقشها<< الحين بيتفلسف هع هع


موضوع في غاية الاهمية لعله غاب على بال الكثيرين

او استغفله البعض وبعضهم حاول استغفاله

هنا يتبين بان كل انسان مثلما تدين تداااان

اعلم اخي العزيز بان كل ما تفعله ببنات الناس من افعال شائنة سوف تعمل لاحد من اهلك

ولابد بان يتفكر الشاب بان شرف البنت ما ان يمس حتى يتلاشي وينكسر حينها تصبح فتاة محطمة

عليه ان يتفكر في اهله واخواته وعرضه فلا يفعل ببنات الناس حتى لا يفعل باهله واخواته

اما عن الفتاة التى تسمح لنفسها بان تكون لقمة سائغة بين يدي كل شاب

اقول لها اختاه
حاذري ان تسقطي في شباك الغدر حتى لو كنتي تحبينه لابد لك ان تحبي بشرف بعفاف لا حب تتخلله كلمات تثير الغرائز ولا لقاء تكونين في ضحية

ولا مكالمة هاتفية تصبحين من خلالهااااااا مهددة في كل حين

كوني انسانة واقعية وتكلمي بحدود ولا تسمحي لشخص ما بان يتعدى هذا الحدود حتى لو كنتي تحبينه وتعشقينه

حتى لا تكونين فرصة لمن يريد ان ينهش لحمك


واعلمي انه ان كان يحبك فليدخل البيوت من ابوابهاااا


واشكرج مره ثانيه على طرح الموضوع ^^

×× واعلمي انه ان كان يحبك فليدخل البيوت من ابوابهاااا ××

صح السآنك خويهـ ^^ ..~

الريآل ما يلف و يدور اللي يحب يدخل من الباب ..~

هيه و الله ها الكلام السنع < تاثرت خخ ..~

تسلم ع طرح رآيك الفنتوكي ..~

لا تحرمنا من ردودك الكشخة ..~

^.^